Növbə  İranındır
07 avqust 2013 22:50 (UTC +04:00)

Növbə  İranındır

ABŞ Dövlət Departamentinin sözçüsü Cen Psaki avqustun 6-da jurnalistlərə açıqlamasında İranın yeni prezidenti Həsən Ruhanidən və Tehranın nüvə proqramından danışıb.

Onun sözlərinə görə, hazırda nüvə problemində irəliləyişin əldə olunması üçün addımlar atmaq məsələsində növbə İranındır: «Ona görə də İran yaranmış fürsətdən istifadə etməklə özünün mübahisəli nüvə proqramı ilə bağlı ieynəlxalq ictimaiyyətin narahatlığını aradan qaldırmaq üçün ciddi addımlar atmalıdır».

 

Lent.az-ın xarici informasiya vasitələrinə istinadən məlumatına görə, ölkənin nüvə fəaliyyətləri Həsən Ruhaninin haqda açıqlamasına toxunaraq Cen Psaki deyib : «İran üzərinə götürdüyü beynəlxalq öhdəliklərə əməl etməklə məsələnin sülhlə həll olunmasına bir yol tapmalıdır. Çünki indi top İran meydançasındadır».

 

Avqustun 6-da jurnalistlərlə görüşən İran prezidenti ölkənin nüvə fəaliyyətindən danışıb: «Mən ölkə prezidenti kimi bildirirəm ki, İran İslam Respublikası sistemi ölkə xalqının hüquqlarını qorumaqla nüvə məsələsinin həlli üçün siyasi iradəyə malikdir. Biz həmçinin qarşılıqlı nigaranlıqları aradan qaldırmağa da hazırıq».

# 884
avatar

Oxşar yazılar