Navalnıy Rusiyanın prezidenti olmaq istəyir

Rusiya müxalifətinin tanınmış nümayəndəsi, Aleksey Navalnıy «Dojd» telekanalında yayımlanan «Dzyadko-3» proqramının canlı yayımında prezident olmaq istədiyini planlaşdırdığını söyləyib.

Lent.az-ın məlumatına görə, o, deyib : «Dünyanın ən varlı sərvəti olan bir ölkənin əhalisi yoxsul yaşamamalıdır. Mən ölkəmizdə yaşayış şəraitini dəyişəcəyəm».

Navalnıy Rusiya prezidenti Vladimir Putin və başqalarına qarşı cinayət işinin açılmasına çalışacağını bildirib.

Müxalifət təmsilçisinə qarşı cinayət işi açılıb. O, Kirov vilayətinin büdcəsindən 16 milyon rublu mənimsəməkdə və firma adına 55 milyon rublu leqallaşdırmaqda təqsirli bilinir.

Birinci iş üzrə məhkəmə dinləməsi aprelin 17-də başlayacaq.