NATO-Gürcüstan komissiyasının iclası keçirilib

Bu gün Gürcüstan paytaxtında NATO-Gürcüstan komissiyasının iclası keçirilib. APA-nın Gürcüstan bürosunun məlumatına görə, tədbirdə Gürcüstanın NATO ilə əməkdaşlıq, inteqrasiya və təhlükəsizlik məsələləri müzakirə edilib.APA-nın Gürcüstan bürosunun məlumatına görə, bu barədə jurnalistlərə açıqlamasında məlumat verən Gürcüstan müdafiə naziri İrakli Alasaniya NATO və Gürcüstan arasında etibarın gücləndiyini bildirib: “Komissiyada yekdilliklə qeyd olundu ki, NATO və Gürcüstan arasında etibar güclənir. Bizim silahlı qüvvələrimiz NATO-nun üzv olduğu ölkələrin hərbi təlimlərində də iştirak edir. Qarşıdan oktyabr seçkiləri gəlir. Qarşımızda duran ən başlıca məsələ, ölkədə siyasi sabitliyi saxlamaq, prezident seçkilərini uğurla keçirməkdir. Bizə ən vacib və əhəmiyyətli odur ki, NATO və Gürcüstan bir-birinə bütünlüklə etibar edir”.

İ. Alasaniya komissiyanın iclasında regional təhlükəsizlik məsələlərinin də müzakirə olunduğunu bildirib.