Moskva Suriyanın hava hücumundan müdafiəsini gücləndirmək məqsədi ilə əvvəllər Dəməşqlə imzaladığı bütün müqavilələrin tam həcmində yerinə yetirəcək.
Lent.az-ın xarici informasiya vasitələrinə istinadən məlumatına görə, bu haqda Rusiyanın Xarici İşlər Nazirliyi bəyanat verib.
«İmzalanmış müqavilələrin bəziləri yerinə yetirilir. Bir sırası isə gerçəkləşdirilmək ərəfəsindədir. Ona görə də beynəlxalq hüquq çərçivəsində biz beynəlxalq öhdəliyimizi yerinə yetirəcəyik. Biz bununla qadağaları, boykot rejimin pozmuruq» -deyə, Rusiya XİN təmsilçisi Mixail Boqdanov bildirib.
Boqdanovun sözlərinə əsasən, yeni müqavilələr imzalanmadığından Suriyaya «C-300» və «Yakov» zenit-raket qurğularından başqa silah növü göndərməyəcəklər.
Bir müddət öncə ABŞ və Almaniya Rusiyanı Suriyaya «C-300» sistemini göndərməməyə çağırmışdı. Qərb dövlətlərinin qənaətincə, bu halda Suriyadakı münaqişə daha da uzana bilər.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
