Misirdə iğtişaşlar:14 nəfər həlak olub, çoxlu yaralı var - YENİLƏNİB

Məhəmməd Mursi hakimiyyətdən uzaqlaşdırıldıqdan sonra Misirin çeşidli bölgələrində onun tərəfdarları ilə əleyhdarları, eləcə də polislə «müsəlman qardaşları» hərəkatının üzvləri arasındakı toqquşmada həlak olanların sayı 14 -ə çatıb,çoxlu sayda yaralı var.

Lent.az-ın «RİA-Novosti»-yə istinadən məlumatına görə, Misirin Səhiyyə Nazirliyindən bildirilib ki, bu rəqəmin artacağı istisna edilmir.

Ölkənin İsgəndəriyyə, Marsa Matruha və əl-Minə şəhərlərində «mursiçilər»lə güc qurumlarının əməkdaşları arasında qarşıdurma qeydə alınıb.

***

03.18

Misirin Mersa-Mətruh şəhərində 4 nəfər öldürülüb. Lent.az-ın «BBC»-yə istinadən məlumatına görə, onun Məhəmməd Mursi tərəfdarı olduğu ehtimal olunur.

Misirin paytaxtı Qahirədə hərbçilər tərəfindən hakimiyyətdən devrilmiş prezident Məhəmməd Mursinin tərəfdarları ilə polis arasında toqquşmalar başlayıb.

Lent.az-ın “RİA Novosti”yə istinadən məlumatınaə görə, Mursi tərəfdarları, onun əleyhdarları və polis əməkdaşları arasında başlayan toqquşmalarda artıq 5 nəfər ölüb.

Mənbənin bildirdiyinə əsasən, Mursinin tərəfdarları ilə hərbi qüvvə arasında da qarşıdurmanın olması bardə məlumatlar yayılıb.

Port-Səid şəhərində ordu yerli hakimiyyətin binasını nəzarət götürüb.

İsgəndəriyyədən verilən məlumatda isə bildirilib ki, Mursinin tərəfdarları ilə əleyhdarları arasında qarşıdurma baş verib. Şahidlər «Müsəlman qardaşları»-nın zirehli gödəkçə geydiklərini söyləyiblər.

Asuanda isə atışma səslərinin eşidildiyinə dair məlumat yayılıb. Polis toqquşmanın qarşısını almağa çalışır. Qarətçilər zinyət dükanlarından qiymətli daş-qaşları oğurlayıb.