Misir Ali Məhkəməsinin binası yaxınlığında «müsəlman qardaşları» hərəkatının tərəfdarları ilə əleyhdarları arasında baş vermiş qarşıdurma nəticəsində onlarla insan xəsarət alıb.
Lent.az-ın xarici informasiya vasitələrinə istinadən məlumatına görə, qarşıdurma başlayandan sonra olay yerinə avtomobillərlə polislər gəlib. Asayiş keşikçiləri əlbəyaxa olan tərəfləri sakitləşdirmək ayırmaq üçün göz yaşardıcı qazdan istifadə edib.
Misir prezidenti Məhəmməd Mursi hazırda Rusiyada səfərdədir.O, Soçidə prezident Vladimir Putinlə görüşüb və onu ölkəsinə dəvət edib.
***
23/15
Qahirədə Ali məhkəməsinin binası yaxınlığında kütləvi iğtişaş baş verib.
Lent.az-ın xarici informasiya vasitələrinə istinadən məlumatına görə,ora «müsəlman qardaşları» hərəkatının tərəfdarları və əleyhdarları toplanıb.
Şahidlər bildirib ki, onlar biri-birinə Daş atıb, hətta güllə səs də eşidilib.
Müxalifət korrupsiyaya bulaşmış məmurların mühakimə olunmasını, o cümlədən keçmiş prezident Hüsnü Mübarək hakimiyyətinə qarşı nümayişlərdə iştirak edənlərin qətlində əli olanların cəzalandırılmasını tələb edir.