Millət vəkilindən ŞOK İDDİA: Suriyalılar Türkiyədə uşaq oğurlayırlar!

Türkiyədə sığınacaq tapan suriyalılar yerli əhalinin uşaqlarını qaçırmaqla məşğul olmağa başlayıblar.

Lent.az-ın “Hürriyet” qəzetinə istinadən verdiyi məlumata görə, bunu MHP-nin Hataydan seçilmiş millət vəkili Adnan Şefik Çirkin söyləyib.

Adnan Şefik Çirkin deyib ki, bir müddət əvvəl 53 nəfərin ölümünə, çoxlu sayda insanın yaralanmasına səbəb olmuş partlayışın törədildiyi Reyhanlıda uşaq qaçırma hallarına daha çox rast gəlinir: “Bu gün Reyhanlıda uşaqları qaçırırlar. Məsələn, çox tanınmış bir ailənin 8 yaşlı uşağını avtomobilin baqajına qoyaraq qaçıran zaman yerli sakinlərin müdaxiləsi ilə uşaq azad edilib. O uşağı qaçıranlar suriyalılardır. Artıq 2 ildir ki, Reyhanlı suriyalı qaçqınlara sığınacaq verir, ancaq suriyalılar artıq sabitliyi pozur. Dövlət artıq bu məsələyə diqqət yetirməlidir”.