Liviyada aləm qarışdı

Bu gün silahlı qruplar Liviya Ədliyyə Nazirliyinin binasını zəbt edib, ədliyyə naziri və nazirliyin digər əməkdaşlarını binadan qovublar.

Lent. az-ın İTAR-TASS agentliyinə istinadən verdiyi məlumata görə, Ədliyyə Nazirliyinin binasının ətrafı üzərində pulemyot olan ciplərlə əhatə edilib.

Aprelin 28-dən Liviya Xarici İşlər Nazirliyi də mühasirədədir. Silahlılar Müəmmər Qəddafi dövründə işləmiş məmurların hamısının işdən qovulmasını tələb edirlər. Eyni zamanda bu insanların hakimiyyət strukturlarında çalışmasını qadağan edən qanunun qəbulu da tələblər sırasındadır. Hazırda parlament anoloji qanunla bağlı müzakirələrə başlayıb. Baş nazir Əli Zeydan Tripoli sakinlərini Nazirlər Kabinetinə dəstək verməyə və silahlıların ölkədə vəziyyəti nəzarətdən çıxarmaq cəhdlərinin qarşısını almaqda yardımçı olmağa çağırıb.