İsveçrə parlamentinin aşağı palatası bankların xarici müştəriləri barədə digər ölkələrə məlumatlar təqdim etməsi öhdəliyini nəzərdə tutan qanun layihəsini qəbul etməyib.
Lent.az-ın “Mayak” radiosuna istinadən verdiyi məlumata görə, İsveçrə parlamentinin yuxarı palatası bir həftə əvvəl uzun müzakirələrdən sonra bu qanun layihəsini qəbul etmişdi.
İndi qanunverici orqanın iki palatası bu həftənin sonuna qədər qanun layihəsi barədə razılığa gəlməlidir. Əks təqdirdə, qanun layihəsi qəbul olunmayacaq. Aşağı palatanın qərarından sonra qanun layihəsinin qəbul ediləcəyi real sayılmır.
Qeyd edək ki, İsveçrə banklarının məxfiliyi yüksək səviyyədə qoruması son 80 ildə ölkəyə böyük həcmdə kapitalın cəlb edilməsində əsas rol oynayıb. Ancaq ABŞ son dövrlər İsveçrəyə ölkə banklarının xarici müştərilərin kimliyi və hesabları ilə bağlı məlumatları açıqlamaq yönündə təzyiqlər etməkdədir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
