Bu il 8-30 iyun tarixlərində üçüncü dəfə təşkil edilən İstanbul Ticarət Festivalının nəticələri açıqlanıb.
Lent.az-ın Türkiyə mətbuatına istinadən verdiyi məlumata görə, Gezi Parkı olaylarına rəğmən, İstanbul Ticarət Festivalı dönəmində alış-satış may ayı ilə müqayisədə 10 faiz artıb.
Bu dövrdə Türkiyəyə gələn turistlərin sayının 2 faiz artması fonunda kredit kartları ilə alış-verişin 11 faiz artması diqqət çəkib. Turistlər adambaşına 400 dollara qədər pul xərcləyib. Ən çox alış-veriş edənlər isə azərbaycanlı turistlər olublar.
İstanbul Ticarət Festivalı İcra Komitəsinin sədri Vahap Küçük turistlərin 450 milyon dollar alış-veriş etdiyini, bu məbləğin 12 faizinin azərbaycanlıların payına düşdüyünü söyləyib: “İstanbul Ticarət Festivalının keçirildiyi dövrdə azərbaycanlı dostlarımızın alış-verişi keçən illə müqayisədə 7,3 faiz artdı. Azərbaycanı Səudiyyə Ərəbistanı, Küveyt və Rusiya izləyir”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
