22 avqust 2013 22:55 (UTC +04:00)

Livan ərazisindən atılan raketdən 4 nəfər xəsarət alıb - YENİLƏNİB

Livanın ərazisindən İsrailə endirilmiş raket zərbələri nəticəsində 4 nəfər dinc sakin xəstəxanaya yerləşdirilib.

Lent.az-ın «RİA Novosti»yə istinadən məlumatına görə, bu barədə İsrailin Xilasetmə Xidmətinin açıqlamasında bildirilib.

Məlumatda əsasən, zərər çəkmiş şəxslərdən üçünün dərin psixoloji şok keçirib.

Daha bir yeniyetmə qızın isə hava həyəcanı səsləndikdən sonra sığınacağa qaçarkən yıxılıb xəsarət aldığı qeyd olunub.

Yerli telekanalların reportajlarında hadisə yerindəki binaların qəlpə zədələri aldığı əks olunub.

Hərbçilər bildirib ki, daha 2 və ya 3 raket İsrail ərazisindən kənarda düşüb.

***

22.10

İsrailin şimalı Livanın cənubundan raket atəşinə tutulub.

Lent.az-ın «BBC»-yə istinadən məlumatına görə, avqustun 22-də Livandan İsrailə 4 raket buraxılıb.

İsrail hərbçiləri bildirib ki, həmin raketlərin heç biri yerə düşməyib. Onlardan biri «Dəmir günbəz» raketdən müdafiə sistemi tərəfindən tutulub.

İsrailin şimalındakı əhalindən evlərində qalmaları istənilib.

Bəzi məlumatlara əsasən, hazırda İsrail raket buraxıldığı Livanın cənub bölgəsinə artilleriya zərbələri endirib.

463