Minlərlə ölü və yaralı var
Bu gün günorta saatlarında İranda 8 bal gücündə zəlzələ baş verib.
Lent.az-ın Türkiyənin NTV telekanalına istinadən verdiyi məlumata görə, zəlzələnin ocağı İranın Zahedan şəhərindən 201 km, Pakistanın Turbat şəhərindən 250 km uzaqlıqda, 18 km dərinlikdədir.
Yeraltı təkan bütün Fars körfəzində hiss edilib. İran Dövlət Televiziyası Sistan və Bəlucistan əyalətlərində ən azı 40 nəfərin həlak olduğu, onlarla insanın xəsarət aldığı barədə məlumat yayıb. Bu, İranda son 40 ildə baş verən ən dağıdıcı zəlzələdir və gücü 200 atom bombasına bərabər sayılır. İran rəsmiləri “Reuters” agentliyinə açıqlamada binaların dağıntıları arasında yüzlərlə insanın qaldığını, onların çoxunun həyatını itirdiyini bildiriblər.
Pakistan Meteoroloji Təşkilatı da zəlzələ nəticəsində ölkədə 1200 evin dağıldığı, yüzlərlə insanın öldüyü barədə məlumat yayıb.
*****
Saat 16.42
İranda güclü zəlzələ oldu: Onlarla ölü və yaralı
Bu gün saat 15.44 radələrində İranda 8 bal gücündə zəlzələ baş verib.
Lent.az-ın Türkiyənin NTV telekanalına istinadən verdiyi məlumata görə, zəlzələnin ocağı Pakistanla sərhəddədir.
Yeraltı təkan bütün Fars körfəzində hiss edilib. İran Dövlət Televiziyası ən azı 40 nəfərin həlak olduğu, onlarla insanın xəsarət aldığı barədə məlumat yayıb.