İndoneziyanı hərbi komandanlığı xüsusi təyinatlı döyüşçülərin 4 məhbusu öldürdüyünü etiraf edib.
Lent.az-ın «BBC» –yə istinadən məlumatına görə, həmin dustaqlar xüsusi təyinatlı dəstənin komandirinin qətlində şübhəli bilinirlər.
Xatırladaq ki, bir neçə gün öncə silahlı maskalılar İndoneziyada həbsxanaya basqın edərək, məhbusları öldürüblər.
Olay Yava adasında baş verib. 9 silahlanmış maskalı iki gözətçinin yaralayıb.
İndoneziyanın elitar hərbi hissəsinin, «Kopassus»-un üzvlərinin qətlində şübhəli bilinən 4 məhbusu maskalılar saxlanıldıqları yerdən çıxararaq, edam ediblər.
Hərbiçilər özlərinə haqq qazandırmaq üçün bildirib ki, tutulanlar istənilən cəzanı qəbul etməyə hazır olduqlarını söyləyiblər.