Gürcüstan İranın 150 hüquqi və fiziki şəxsinin hesabını dondurub

Son zamanlar İranın Gürcüstan vasitəsi ilə beynəlxalq sanksiyalardan yayındığına dair xəbərlər yayılır.

Lent.az-ın İnterfaks-a istinadən məlumatına görə,Gürcüstanın ədliyyə naziri Teya Tsulukiani deyib ki, BMT-nin sanksiyalarına uyğun olaraq, Gürcüstanda təxminən İranın 150 fiziki və hüquqi şəxsinin hesabı dondurulub.

«Bu istiqamətdə Gürcüstan hakimiyyəti məhkəmə hakimiyyəti ilə konsrtuktiv əməkdaşlıq edir»-deyə, o, «Wall Street Journal»-da çap olunmuş məqaləni şərh edərkən, söyləyib.

Xatırladaq ki, bu dərgi beynəlxalq sanksiyalardan yayınmaqda Gürcüstan hakimiyyətinin İrana yardım etdiyini yazaraq, rəsmi Tiflis ittiham etmişdi.

Ədliyyə naziri bu məsələni araşdıracaqlarına söz verib.

«İrana münasibətdə gömrük, iqtisadi və hüquq mühafizə orqanları ilə birgə nəzarət sistemi həyata keçirilir. Bu yaxınlarda BMT-nin nümayəndə heyəti respublikamızda olub. Onlar Gürcüstan hakimiyyətinin fəaliyyətini çox yüksək qiymətləndiriblər»-deyə, nazir vurğulayıb.