Fransa Senatı həmcinslərin evliliyinə icazə verən qanun layihəsini birinci oxunuşda qəbul edib. Lent.az-ın İTAR-TASS agentliyinə istinadən verdiyi məlumata görə, 10 saat davam edən müzakirələrdən sonra 179 senator qanun layihəsinin lehinə, 157 senator əleyhinə səs verib.
Qanun layihəsinin Senatda müzakirəsi bu həftənin sonuna qədər başa çatmalıdır. Senatorlar üçün ən mübahisəli məsələlərdən biri qanun layihəsində həmcins cütlüklərin uşaq övladlığa götürməsi ilə bağlıdır. Məhz bu məqam mühafizəkar senatorların ciddi etirazı ilə qarşılanır. Senatda yekun səsvermədən sonra qanun layihəsi Fransa parlamentinin aşağı palatasına – Milli Şuraya qayıdacaq. Məhz Milli Şurada qanun layihəsi ilə bağlı yekun qərar veriləcək.