Əhmədinejada Təbrizdə etiraz ediblər

Mahmud Əhmədinejadın Təbriz səfəri zamanı bir qrupun etiraz ilə qarşılaşdığını qeyd edən xəbər saytları bir etirazçının prezidentlə “əlbəyaxa” olduğunu bildirib.

«Etirazçılardan biri Əhmədinejadın avtomobili üzərinə çıxıb və onunla bir anlıq əlbəyaxa oldu» - deyə, «Setak News» veb səhifəsi yazıb.

Lent.az-ın «BBC»-nin farsca redaksiyasına istinadən məlumatına görə, olayı yaxından görən şahidlərdən biri bunu agentliyə müsahibəsində «Setak News» səhifəsinin yaydığı məlumatı təsdiqləyib.

Veb səhifələrdə yayılan şəkillərə istinadən etirazçılar özlərini “Nəsr kredit fondundan zərər çəkmişlər” kimi təqdim edib. Onların tutduğu plakatlardan birinin üzərində belə yazılıb: «Cənab prezident, sözlərinə əməl etməyən məsullardan cana doymuşuq».

Yayılan məlumata əsasən Nəsr Kredit Fondu müflis olduğundan zərər çəkən əmanətçilər də bu günlərdə Şərqi Azərbaycan valiliyi qarşısında da piket keçirib.

Xatırladaq ki, Güney Azərbaycana səfəri zamanı Əhmədinejad sakinlər tərəfindən əvvəllər də etiraz qarşılanıb.

2009-cu ilin martında «Urmu News» urmiyalının ona ayaqqabı tullaması tlə bağlı xəbər yaymışdı.

Təbrizə başqa vaxt etdiyi səfərdə isə onu qarşılamağa zorla çıxarılmış tələbələr «Traktor, Traktor!» - deyə, şüar söyləyiblər.