Əhmədinejada qəfil zərbə

İran prezidenti Mahmud Əhmədinejad gözlənilməz zərbə alıb.

Lent.az-ın verdiyi məlumata görə, Tehran şəhərinin meri Məhəmməd Bağır Qalibaf “Tasnim” agentliyinə müsahibəsində deyib ki, Mahmud Əhmədinejadın İkinci Dünya Müharibəsi illərində 6 milyon yəhudinin soyqırıma (Xolokost) məruz qaldığını inkar etməsi İranın beynəlxalq əlaqələrinə zərbə vurub.

Növbəti seçkilərdə İran prezidentliyinə potensial namizəd olan Məhəmməd Bağır Qalibaf bunun fələstinlilərə də heç ir xeyir gətirmədiyini də qeyd edib. Onun sözlərinə görə, Mahmud Əhmədinejadın bu mövqeyi yalnız sionistlərə bəraət qazandırmağa xidmət edib: “İran İslam Respublikası iudaizmin deyil, sionizminin əleyhinədir. Fələstinliləri müdafiə etmək İran xarici siyasətinin prinsiplərindən biridir. Ancaq yəhudilərin soyqırıma məruz qaldığını inkar etmək xarici siyasətimizin bir hissəsi deyil. Ayətulla Xomeyni ilə Xamneyinin intellekti biz 30 il ərzində Fələstinin əsas tərəfdarı olmuşuq və heç kim antisemitizmdə günahlandıra bilməz. Ancaq birdən nəticələri hesablanmamış şəkildə yəhudilərin soyqırımı məsələsi qaldırılır. Bu, islam inqilabına, yaxud fələstinlilərə hansı xeyir gətirib?”.