Çexiyanın keçmiş baş naziri katibəsinin məşuqəsi olduğunu etiraf edib

Çexiyanın keçmiş baş naziri Petr Neças yerli qəzetə müsahibəsində keçmiş əməkdaşı, baş nazirini katibliyinin sabiq rəhbəri Yana Naqiovoyla yaxın münasibətdə olduğunu etiraf edib.

Lent.az-ın «RİA Novosti»-yə istinadən məlumatına görə, bir müddət öncə o, bu münasibəti təkzib edirdi.

Xatırladaq ki, P.Neças ölkədə korrupsiya qalmaqalına görə istefa verib. Elə bu hay-küylər zamanı, o, həyat yoldaşı ilə boşandığını bəyan etmişdi.

«Yana Naqiovoyla yaxın münasibətimiz var. Bu etibarlı əlaqədir. Birmənalı olaraq, hesab edirəm ki, bu münasibət gələcəkdə də qorunacaq»-deyə, keçmiş baş nazir müsahibəsində bildirib.

Çexiyanın baş naziri Petr Neças iyunun 17-də prezident Miloş Zeemana istefa ərizəsini təqdim etmişdi. Prokurorluq ittiham etdiyi 7 nəfərin, o cümlədən Naqiovoyonun iş yerində axtarış aparılması barədə sanksiya vermişdi.

Prokurorluq da Çexiya hərbi kəşfiyyatının başçısına, parlamentin keçmiş üzvlərinə qarşı uyğun ittiham irəli sürüb.

Polis iyunun 13-də keçmiş baş nazirin keçmiş katib məşuqəsini, eləcə hakim Vətəndaş Demokratik Partiyasının bir sıra siyasilərini «hərbi kəşfiyyatın işində» sui-istifadə ittihamı ilə saxlamışdı.