Britaniyanın yeni viza rejiminə etiraz

Britaniyanın 6 ölkə vətəndaşlarına qarşı yeni viza şərtlər ilə bağlı çoxsaylı iradlar bildirilib.

Lent.az-ın xarici informasiya vasitələrinə istinadən məlumatına görə, Hindistan Sənaye Konfederasiyası bunu «ən yüksək dərəcəli diskriminasiya» adlandırıb.

Nigeriya senatı bu sənədi mühakimə edərək, cavab tədbirlər görməyə hazırlaşdığını bildirib.

Həmin sistemə əsasən,ölkəyə gələnlərdən 4500 dollar verməsi tələ olunacaq.

Yoxlama sxemi ilkin olaraq, bu ilin noyabrında Hindistan, Pakistan, Banqladeş, Şri-Lanka, Nigeriya və Qanadan gələnlər tətbiq ediləcək.

Britaniya hökuməti təmsilçisi, daxili işlər naziri Tereza Mey bildirib ki, bu dövlətlər imiqrasiya məsələsində sui-istifadəyə yol verir.

Əgər həmin ölkələrin təmsilçiləri vizalarının müddəti bitdikdən sonra Britaniyada qalarsa, o zaman onların ödədiyi 4500 dollar «borc öhdəlik» müsadirə olunacaq.

Xatırladaq ki, bu ilin yazında baş nazir Devid Kemeron hökuməti mühacirətə verilən müavinət və başqa çeşidli sosial güzəştlərə qarşı mübarizə aparacağını bildirmişdi. Bu tədbirlər ilk növbədə Avropa Birliyindən gələn mühacirlərə şamil olunub.