Britaniya Ali Məhkəməsi İran "Millət" Bankına qoyulan sanksiyanı ləğv edib.
Sanksiyanı Britaniyanın Maliyyə Nazirliyi 2009-cu il oktyabrın 12-də qoymuşdu. İran "Millət" Bankı ölkənin nüvə proqramı ilə əməkdaşlıqda günahlandırılmışdı.
Lent.az-in məlumatına görə, Britaniya Ali Məhkəməsinin hakimi Conatan Sampşen jurnalistlərə deyib ki, İran "Millət" Bankına sanksiya qoyularkən əsassız dəlil-sübutlara istinad edilib və bankın ölkənin nüvə proqramı ilə əməkdaşlığını sübut edən hər hansı tutarlı sənəd ortaya qoyulmayıb: “Hesab edirəm ki, bu sanksiyanın qoyulması mövcud qaydalara zidd addım idi”.
İran "Millət" Bankının sözçüsü isə jurnalistlərə açıqlamasında bildirib ki, sanksiyaya məruz qaldığı son dörd ildə banka 500 milyon funt-sterlinq ziyan dəyib və onlar kompensasiya almaq üçün Britaniya hökumətindən şikayət edəcəklər.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
