Bostondakı terrorla bağlı tutulanların ittihamı - YENİLƏNİB

Bostonda törədilmiş terror aksiyasında şübhəli bilinən 3 nəfərə ittiham elan olunub.

Lent.az-ın «BBC»-yə istinadən məlumatına görə, Qazaxıstan vətəndaşları - Dias Kadırbayev və Əzəmət Tajayakov Tsarnayev qardaşlarının kompyüter və heybələrini məhv etmək niyyətində olmaqda ittiham ediliblər.İrəli sürülən ittihamlar təsdiqlənərsə,onları 5 il müddətinə azadlıqdan məhrumetmə cəzası gözələyir.

Adı açıqlanmayan ABŞ vətəndaşı isə hüquq-mühafizə orqanlarını «azdırmaqda» suçlu bilinib.

***

23.16

Bostonda marafonda baş vermiş patlayışla bağlı daha 3 şübhəli saxlanılıb.

Lent.az-ın «BBC»-yə istinadən məlumatına görə, Boston polisi «Twitter»-dəki öz mikrobloqunda bununla bağlı xəbər yerləşdirib.

Cövhər Tsarnayevin kollec yoldaşları olan qazaxıstanlı iki tələbə Boston terror aktı işi üzrə saxlanılıblar. Tələbələri yalan deməkdə günahlandırırlar.

Terror aktı işi üzrə saxlanılanlardan biri isə ABŞ vətəndaşıdır.

Xatırladaq ki, aprelin 15-də Bostonun mərkəzində marafon zamanı biri-birinin ardınca iki partlayış törədilib, nəticədə 3 nəfər həlak olub – 8 yaşlı oğlan, restoran meneceri işləyən 29 yaşlı qadın və 23 yaşlı çinli tələbə qız. 260-dan çox insan isə yaralanıb.

Əsas şübhəlilər Tsarnayev qardaşlarıdır. Onlardan biri, Tamerlan polisin əməliyyatı zamanı öldürülüb, o biri Cohar isə yaralı halda xəstəxanadadır və ifadə verir.