Boston məscidlərindən birinin imamı qohumlarına Tamerlan Tsarnayevin müsəlman kimi dəfni ilə bağlı mərasimi təşkil etməkdən imtina edib.
Lent.az-ın «NBC News»-a istinadən məlumatına görə, həmin məscid dəqiqləşdirilməyib. Tamerlanın xalası Patimat Süleymanova deyib ki, Bostondakı marafonda partlayış törətmək şübhəli bilinən, güllələnmiş Tamerlanın cəsədi qohumlarına verilib. Süleymanova həmin məscidin adını bilmədiyini söyləyib.
Bundan öncə, Boston məscidi imamının təmsilçisi Talal Eyd «bu qatildə islam nişanəsi yoxdur» -deyərək, T.Tsarnayevi müsəlman qaydası ilə dəfn etməkdən imtina etmişdi.
Onun Dağıstanda qohumlarının yaşadığı kənddə dəfni məsələsi hələlik müzakirə edilməyib.
Mahaçqalada ABŞ Federal Təhqiqat Bürosu və Rusiya Federal Təhlükəsizlik Xidmətinin mütəxəssisləri Tsarnayev qardaşlarının qohumlar ilə görüşüb. Bu görüş sakit şəraitdə keçirilib. Hazırda Boston xəstəxanalarından birində nəzarət altında saxlanılan Zübeydə Tsarnayevaya da amerikalılar oğlu Coharlə görüşə icazə verəcəklərini boyun olublar.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
