BMT Suriyada kimyəvi silah tətbiqini araşdıracağına ümid edir - YENİLƏNİB

Suriyada kimyəvi silahını tətbiqi ehtimalına həsr olunmuş BMT Təhlükəsizlik Şurasının iki saatlıq təcili yığıncağından sonra baş katibin müavini Yan Eliasson bildirib ki, qurum olayın yerində araşdırılacağına ümid edir.

Lent.az-ın «RİA Novosti»-yə istinadən məlumatına görə, o, deyib ki, BMT-nin Dəməşqdəki mütəxəssislərdən ibarət qrupu bu işi yerindəcə araşdıra bilər.

«Biz ümid edirik ki, onları hakimiyyət tərəfi həmin rayon ərazisinə buraxacaq» - deyə, baş katibin müavini söyləyib. Onun sözlərinə əsasən, təhlükəsizlik baxımından hələlik onlar bu icazəni ala bilməyib və bundan ötrü zorakılıq dayandırılmalıdır.

***

22.44

Avqustun 21-də Suriyada kimyəvi silahın tətbiqi ehtimal üzrə BMT Təhlükəsizlik Şurası qapalı məşvərət toplantısı keçirəcək.

Lent.az-ın xarici informasiya vasitələrinə istinadən məlumatına görə, bu haqda qurumun baş katibi Pan Ge Munun təmsilçisi açıqlama verib.

O, yığıncağın yerli vaxtla saat 15.00-da (Bakı vaxtı ilə gecə 12-də)başlayacağını söyləyib.

Yığıncaq şuranın 15 üzvündən 5-nin ABŞ, Britaniya, Fransa, Lüksemburq və Cənubi Koreyanın birgə sorğusu əsasında çağırılıb.