Bilalov : «Məni civə ilə zəhərləyiblər»
28 aprel 2013 06:42 (UTC +04:00)

Bilalov : «Məni civə ilə zəhərləyiblər»

Rusiya Olimpiya Komitəsi (OK) prezidentinin müavini Əhməd Bilalov orqanizmində civənin çox olduğunun aşkarlandığını bildirib.

 

Lent.az-ın «İnterfaks»a istinadən məlumatına görə,o, hələ ötən ilin payızında özünün yaxşı hiss etmədiyini söyləyib. Hazırda Almaniyada müalicə olunan Ə.Bilalovun sağlıq durumu «kafi»dir.

 

«Mən kimisə dəqiq günahlandıra və Moskvadakı ofisimdə civənin aşkarlanmasına nəsə uydura bilmərəm. Mənim ehtimalım hələ ki yoxdur» - deyə, Bilalov Moskvaya gəldikdən sonra hüquq-mühafizə orqanlarına müraciət edəcəyini söyləyib.

 

Xatırladaq ki, bu ilin fevralında Rusiya prezidenti Vladimir Putin onu Soçidə qış olimpiada oyunları tikintisinin nəzərdə tutulduğundan aşağı sürətlə getdiyi üçün tənqid etmişdi. Bunun ardınca Rusiya Baş Prokurorluğu Bilalovun başçılıq etdiyi «Şimal Qafqaz Kurortları» şirkətində yoxlamaya başlayıb.

 

Bir müddət öncə isə Rusiyanın informasiya vasitələrində onun qanında alman həkimlərinin ağır metal aşkarladıqları barədə məlumat yaymışdı.  

# 2009
avatar

Oxşar yazılar