Moskva polisinin keçirdiyi xüsusi əməliyyat zamanı saxlanılan 1000-dən çox qeyri-leqal miqrant müvəqqəti düşərgədə yerləşdiriləcək, daha sonra isə öz ölkələrinə deportasiya ediləcək.
Lent.az-ın " RİA Novosti"-yə istinadən məlumatına görə, bu barədə Moskva Şəhər Baş Daxili İşlər İdarəsindən bildirilib.
İdarədən məlumat verilib ki, saxlanılanlar daktiloskopik müayinədən keçirilir və cinayətlər iştirakının olub-olmadığı araşdırılır. Saxlanılanların əksəriyyətinin üzərində şəxsiyyətini təsdiq edən sənəd olmayıb. Ona görə də onların şəxsiyyətinin dəqiqləşdirilməsi prosesi gedir.
Xatırladaq ki, iyulun 27-də Moskvadakı Matveyevsk bazarında zorlamada şübhəli bilinən şəxsin saxlanılması zamanı 20-25 nəfərlik qrup polis əməkdaşlarına hücum edib, bir əməliyyat müvəkkilinin başından beşbarmaqla vurulub. Bundan sonra Moskva polisi bazarlarda reydlərə başlayıb. Həftənin ilk iki günü ərzində 1100-dən çox adam saxlanılıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
