“Pakistandakı alpinistlərimiz paytaxt İslamabaddadırlar, artıq otelə yerləşdiriliblər. Onların əhval-ruhiyyələri yaxşıdır, səhhətlərində problem yoxdur”. Bunu Lent.az-a açıqlamasında Azərbaycanın Pakistandakı səfiri Daşqın Şikarov bildirib. Qeyd edək ki, bir neçə saat öncə D. Şikarov bildirmişdi ki, Pakistandakı Nanqa Parbat zirvəsinə ekspedisiyada olan, son anda ölümdən dönən alpinistlərimiz Pakistan təhlükəsizlik qüvvələrinin əməkdaşları tərəfindən Azərbaycanın İslamabaddakı səfirliyinə təhvil veriləcək.
Səfir bildirmişdi ki, 3 azərbaycanlı alpinistlə yanaşı, 2 gürcü alpinist də Pakistandakı səfirliyimizə təhvil veriləcək: “Alpinistlərimiz ya sabah, ya da iyunun 26-da müvafiq reyslə Azərbaycana yola salınacaq”.
****
15.39
“Pakistandakı Nanqa Parbat zirvəsinə ekspedisiyada olan, son anda ölümdən dönən alpinistlərimiz bir saatdan sonra Pakistan təhlükəsizlik qüvvələrinin əməkdaşları tərəfindən Azərbaycanın İslamabaddakı səfirliyinə təhvil veriləcək”. Bunu Lent.az-a açıqlamasında Azərbaycanın Pakistandakı səfiri Daşqın Şikarov bildirib.
Səfir bildirib ki, 3 azərbaycanlı alpinistlə yanaşı, 2 gürcü alpinist də Pakistandakı səfirliyimizə təhvil veriləcək: “Alpinistlərimiz ya sabah, ya da iyunun 26-da müvafiq reyslə Azərbaycana yola salınacaq”.
Xatırladaq ki, Himalay dağlarının Pakistan ərazisində yerləşən Nanqa Parbat zirvəsinə ekspedisiyada olan alpinistlərin baza düşərgəsinə silahlı hücum faciəyə səbəb olmuşdu. “Cindullah” qruplaşmasının hücumu nəticəsində 10 alpinist öldürülmüşdü.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
