Rəsmi Tirana Suriyadakı kimyəvi silahların Albaniya ərazisində məhv edilməsi barədə ABŞ-ın təklifini rədd edib.
Lent.az-ın «BBC»-yə istinadən məlumatına görə, Albaniyanın baş nazir Edi Rama mətbuat konfransında deyib ki, Albaniya bu əməliyyatda iştirak edə bilməz.
Xatırladaq ki, bir müddət öncə, kimyəvi silahın ölkə ərazisində məhvinə qarşı Albaniyada etiraz aksiyası keçirilib.
Suriyanın kimyəvi silahlarının məhv edilməsi ilə bağlı bir neçə ölkənin ərazisi nəzərdən keçirilir. Onlardan biri Albaniyadır. Ancaq Albaniyada buna güclü narazılıq var. Paytaxt Tiranada yüz minlərlə adam hökumət binasının qabağına toplaşıb, baş nazirin nə deyəcəyini gözləyirdi.
Suriyanın kimyəvi silahları gələn il iyunun 30-na kimi məhv edilməlidir.
Kimyəvi Silahların Qadağanı üzrə təşkilat noyabrın 15-də yaranmış vəziyyəti müzakirə edir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
