ABŞ hakimiyyəti Boston marafonunda baş verən partlayışın təşkilatçıların hələlik tanımır.
Lent.az-ın xarici informasiya vasitələrinə istinadən məlumatına görə, bu haqda prezident Barak Obama açıqlama verib.
«Biz hələlik kimi və niyə bu partlayışı törətdiyini bilmirik. Əlimizdə bütün faktla olmadığından insanların olaylardan çıxarış etməsinə ehtiyac yoxdur. Biz baş verənlərin sonuna çıxacağıq» -deyə, Obama bəyan edib.
Onun sözlərinə görə, xüsusi xidmət orqanları ABŞ çeşidli bölgələrində təhlükəsizlik tədbirlərini gücləndirəcək.
Xatırladaq ki, Boston polisi marafon zamanı baş vermiş partlayışda hələ ki iki nəfərin öldüyünü, 23-ünün isə yaralandığını təsdiqləyib
Bundan başqa polis Con Kennedi adına prezident kitabxanasında da partlayış baş verdiyini bildirsə də, bir az sonra olayın yanğın olduğunu ehtimal edib.
***
03.25
ABŞ-ın gizli xidməti Vaşinqtonda Ağ ev ətrafında təhlükəsizlik tədbirlərini gücləndirib. Lent.az-ın xarici informasiya vasitələrinə istinadən məlumatına görə, buna səbəb kimi Bostonda hər il keçirilən marafon zamanı partlayışın baş verməsi göstərilib.
Xidmət təmsilçisi Ed Donovan belə tədbirlərin «sıradan bir» olduğunu bildirib.
Xüsusi xidmət orqanı Ağ evlə Kapitoliyanı birləşdirən yolu bağlayıb. Gücləndirilmiş iş rejiminə Nyu-York polis də cəlb edilib.
Xatırladaq ki, Bostonda marafon yanaşı, Con Kennedi adına kitabxanada da üçüncü partlayış olub.