Əfqanıstanda prezident sarayına və Mərkəzi Kəşfiyyat İdarəsinin Kabuldakı bürosuna basqın etməsinə baxmayaraq, ABŞ-la əfqan hakimiyyəti taliban hərəkatı ilə danışıqlara birgə başlamaq haqqında razılığa gəliblər.
Lent.az-ın «BBC»-yə istinadən məlumatına görə, Ağ evdən bildirilib ki, prezident Barak Obama ilə Əfqanıstanın dövlət başçısı Həmid Karzay arasında videokonfrans keçirilib. Tərəflər taliblərlə sülh danışıqlarda rəsmi Kabulun aparıcı rolunun olduğunu vurğulayıblar.