«Hərbi əməliyyatlar başlasa, Rusiya Suriyaya yardım edəcək»

“Suriyaya elə indi də silah veririk, iqtisadi sahədə əməkdaşlıq edirik”

«Rusiya indi olduğu kimi, silah göndərmək və iqtisadi sahədə əməkdaşlıq etməklə Suriya ilə əməkdaşlığı bundan sonra da davam etdirəcək».

Lent.az-ın «BBC»-yə istinadən məlumatına görə, Rusiya prezidenti Vladimir Putin «Böyük-20»-liyin sammitinin yekunları ilə bağlı keçirilən mətbuat konfransında bu bəyanatla çıxış edib.

«Suriyaya hərbi zərbə endirilərsə, Rusiya bu ölkəyə yardım edəcəkmi”- sualını V. Putin belə cavablandırıb: «Bəli, kömək edəcəyik. Elə indi də kömək göstəririk. Suriyaya silah veririk, iqtisadi sahədə əməkdaşlıq edirik. Ümid edirəm ki, humanitar sahədə əməkdaşlıq daha sıx olacaq, o cümlədən hazırda çox ağır durumda qalmış mülki əhaliyə humanitar yardımlar göstəriləcək».