Gürcüstan ABŞ-dan ağır hərbi texnika almaq istiqamətində danışıqlar aparmır.
Lent.az-ın «RİA-Novosti»-yə istinadən məlumatına görə, ölkənin müdafiə naziri İrakli Alasaniya «eurasianet»-ə müsahibəsində deyib.
«Özəl texnikalar gəldikdə isə prezident Barak Obama ilə Mixali Saakaşvili arasında müqavilə mövcuddur. Həmin sənədə əsasən, hərbiçilərin daşınması üçün nəqliyyat, vertolyot parkına avadanlıq alacağıq. Bu müqavilə yavaş-yavaş gerçəkləşir. Biz yeni nə isə almağı planlaşdırmırıq»-deyə, o, söyləyib.
Müdafiə nazirinin sözlərinə görə, Gürcüstan ABŞ-dan ilk növbədə hərbi təlim və hərbçilərin təhsili sahələrində yardım gözləyir.
Alasaniya daha sonra deyib: «Bundan başqa biz Əfqanıstanda birgə fəaliyyət göstəririk. Gilmənd əyalətində bizim hərbi və döyüş əməkdaşlığımız Gürcüstan üçün böyük təcrübədir. Amerikalı dəniz piyadaları ilə qardaşlıq səviyyəsində hazırlıq imkanlarımız genişlənir».
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
