«Exxon Mobil» suyu zəhərlədiyi üçün cərimələnib

Nyu-Gempşir ştatının məhkəməsi ABŞ-ın «Exxon Mobil» şirkətinin yeraltı suları metil-3-butillə çirkləndirdiyi üçün 236 milyon dollar məbləğində cərimələyib.

Lent.az-ın xarici informasiya vasitələrinə istinadən məlumatına görə, məhkəmə heyəti şirkətin benzinə adı çəkilən kimyəvi maddəni qatmaqla səhlənkarlıq göstərməsində razılaşıb.

Bundan başqa şirkət alıcıları və distribüterləri həmin əlavənin ətraf mühitə zərərli olması barədə xəbərdarlıq etməməkdə də suçlu bilinib.

Ştatı hakimiyyəti bölgədəki 600 –dən artıq su quyusunda metil-tret-butilin izlərinin aşkarlandığını təsdiqləyib.

«Exxon Mobil» şirkətinin məhkəmə işi 3 aya yaxın sürməklə Nyu-Gempşir ştatı tarixində ən uzun proses olub.