ABŞ-ın Kentukki ştatının Barkesvill şəhərində 5 yaşlı uşaq təsadüfən tüfəngdən iki yaşlı bacısına atəş açıb.
Lent.az-ın «İTAR-TASS»-a istinadən məlumatına görə, yerli polis bildirib ki, uşaq ötən il doğum günü münasibəti ilə hədiyə aldığı 22 çaplı tüfəngi ilə oynayırmış. Bu modelin qoruycusu olur. Ancaq nədənsə onun qoruyucusu işləməyib. Nəticədə açdığı atəş bacısının köksünə dəyib.
Olay zamanı uşaqların anası evdə olub.
Hələlik polis bu iş üzrə ittiham irəli sürməyib. Ancaq yerli informasiya vasitələri olayı bədbəxt hadisə kimi qeydə alınacağını ehtimal edirlər.
Son zamanlar bu sayaq oxşar olay artıq baş verib. Ötən ay Nyu-Cersidə 4 yaşlı oğlan 7 yaşlı qonşusunu güllələmişdi. Tenness ştatında isə 4 yaşlı oğlan tapançadan yerli polis rəisi müavinin həyat yoldaşına atəş açmışdı.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
