Rusiyada qəzaya uğrayan An-26 təyyarəsinin qalıqları tapılıb.
Lent.az yerli KİV-ə istinadən xəbər verir ki, bu barədə Rusiya Federal Hava Nəqliyyat Agentliyindən bildirilib.
Qeyd olunub ki, qalıqlar aeroportdan 3,8 km uzaqlıqda, Palan qəsəbəsinin yaxınlığında tapılıb.
Təyyarə Petropavlovsk-Kamçatkadan Palan qəsəbəsinə uçuş yerinə yetirərkən eniş zamanı radarlardan itib.
Ehtimala görə, təyyarə təpəyə çırpılıb. Qəza nəticəsində sağ qalanların olmadığı bildirilir.
Landşaftın xarakteri axtarışların aparılmasını çətinləşdirir.
***
saat 12:27
Rusiyada itən təyyarə ilə bağlı yeni detallar üzə çıxıb.
Lent.az xarici mediaya istinadən xəbər verir ki, araşdırmalar nəticəsində yoxa çıxan təyyarənin dənizə düşdüyü məlum olub.
Artıq sərnişin təyyarəsinin dənizə düşdüyü yer də müəyyənləşib.
Hazırda axtarış-əməliyyat tədbirləri davam etdirilir.
***
saat 10:30
Rusiyada sərnişin təyyarəsi təyyarəsi itib.
Lent.az-ın xarici KİV-ə istinadən məlumatına görə, içərisində 28 nəfərin olduğu AN-26 təyyarəsi yoxa çıxıb.
Məlumata görə, Fövqaladə Hallar Nazirliyi Petropavlovsk-Kamçatka şəhərindən Palanaya sərnişin daşıyan AN-26 tipli təyyarə ilə rabitə qurula bilmədiklərini açıqlayıb.
Hava tutqun olduğundan axtarış çətinləşib.
Sevinc Nurəddinova
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
