Urmuda həbs edilən azərbaycanlı fəala amansız işgəncələr verilib.
Lent.az “Mouze” teleqram kanalına istinadən xəbər verir ki, Qərbi Azərbaycan əyalətinin Urmu şəhərindən olan və bir həftə öncə etirazlarda saxlanılan Rza Etibarirad ETTELAAT idarəsinin təcridxanasında vəhşicəsinə döyülüb.
O, bədəninin müxtəlif nahiyələrindən xəsarətlər alıb, qolu sındırılıb və 700 milyon tümənlik girov sənədi qarşılığında məhkəməyə qədər müvəqqəti sərbəst buraxılıb.
Oktyabrın 20-də İran İnsan Haqları Təşkilatı yaydığı bəyanatda etiraz aksiyalarında tutulanlara müxtəlif işgəncələr verildiyini bildirib.
Təşkilatın sədri Mahmud Əmiri Müqəddəm İranın hökumət qüvvələri tərəfindən tutulan və barələrində məlumat verilməyən şəxslərə işgəncə verilməsindən, bəzilərinin isə işgəncə nəticəsində öldürülməsindən narahat olduqlarını deyib.
O, beynəlxalq insan haqları təşkilatları və dünya birliyinə müraciət edərək, həbsdə olan etirazçıların taleyinin müəyyənləşməsi və azadlığa buraxılmaları üçün Tehran hökumətinə təzyiq göstərməyə çağırıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
