Tanınmış jurnalist Surxay Hüseynli vəfat etdi

Tanınmış jurnalist Surxay Hüseynli vəfat edib.

Lent.az xəbər verir ki, mərhum uzun müddət xəstəlikdən əziyyət çəkib.

Qeyd edək ki, 1955-ci il oktyabrın 18-də Zərdabın Pərvanlı kəndində doğulan Surxay Hüseynli Bakı Dövlət Universitetinin jurnalistika fakültəsini bitirib. “Mingəçevir işıqları”, “Ülfət” qəzetlərində çalışıb, “Azadlıq” qəzetində siyasət şöbəsinin müdiri, redaktor müavini, redaktorun birinci müavini vəzifələrini tutub.

Milli azadlıq hərəkatında fəal iştirakı ilə tanınan Surxay Hüseynli 1992-1993-cü illərdə Mingəçevir Şəhər İcra Hakimiyyəti başçısının birinci müavini olub.

Allah rəhmət eləsin!