65 milyon dollarlıq malikanə ilə maraqlanırlar

Cennifer Lopez və Ben Afflek Los-Ancelesin lüks bölgəsində ev almağı planlaşdırırlar.

Lent.az xəbər verir ki, evin dəyəri 65 milyon dollardır.

Jurnalistlər bildirir ki, cütlük Holmbi Hills bölgəsində bir əmlak agentliyinin əməkdaşı ilə görünüblər. Dünya ulduzları sahəsi 3 min kv/m olan malikanəyə baxıblar. Malikanədə 8 yataq otağının, 12 vanna otağının və boulinq oyunu üçün məkanın olduğu deyilir.

Bundan başqa, cütlük azı 3 malikanəyə baxıblar.

Qeyd edək ki, amerikalı aktrisa və müğənni Cennifer Lopez və aktyor Ben Afflekin bu ilin sonuna qədər evlənmək niyyətində olduqları açıqlanıb. Ehtimal olunur ki, Afflek Lopezə 24 iyulda – müğənninin 52 yaşının tamamında evlilik təklif edəcək.

2021-ci ilin aprelində Cennifer Lopez 2017-ci ildən bəri münasibətdə olduğu beysbolçu Aleks Rodriqeslə münasibətlərinə son qoyub. Həmçinin bu ilin yanvarında 48 yaşlı Afflek də son seçimi olan 32 yaşlı aktrisa Ana de Armasdan ayrılıb.

Afflek və Lopez 2000-ci illərdə də bir yerdə olublar, hətta Ben Cenniferə evlilik də təklif etmişdi, ancaq toy sonradan ləğv edildi. 2004-cü ilin yanvarında isə cütlüyün ayrıldığı məlum oldu.