“Ər vəzifəsi”ni yerinə yetirmədiyi üçün məhkəməyə verilib...

Birləşmiş Ərəb Əmirliklərində qəribə olay baş verib. Lent.az-ın “Vatan” qəzetinə istinadən verdiyi məlumata görə, Dubayda yaşayan bir qadın keçmiş ərini “ər vəzifəsi”ni yerinə yetirməməkdə günahlandıraraq məhkəməyə verib.

Qadın keçmiş ərindən 12 milyon dollar təzminat tələb edir. Dubaylı qadın bildirib ki, 2008-ci ildə ailə qurduğu həmin şəxs 4 ay onunla cinsi əlaqəyə girməyi bacarmayıb, cəhdləri uğursuz olub. Yalnız 4 aydan sonra ilk dəfə kişi onunla çox qısa çəkən cinsi əlaqədə olmağı bacarıb. Qadın ilk dəfə cinsi əlaqədə olduqları həmin vaxt bu kişinin onunla insan kimi davranmadığını bildirib. Cütlük evliliklərindən 15 ay sonra boşanıb.

Kişinin cinsi zəifliyi səbəbindən əziyyət çəkdiyini vurğulayan qadın qeyd edib ki, ana olmaq ümidini tam itirib. O, mühafizəkar bir cəmiyyətdə yaşadığı üçün 2 il susmaq məcburiyyətində qaldığını söyləyib. Qadın boşandıqdan sonra çox zəngin bir iş adamı olan keçmiş ərinin onu heç bir yardım etmədiyini, yaxınlarından aldığı borclarla yaşadığını da nəzərə çatdırıb.