“Taliban” yaz hücum kampaniyasına başlayacağını elan etdi

Lent.az-ın “Reuters” agentliyinə istinadən verdiyi məlumata görə, “Taliban” hücum kampaniyasını mayın 1-də başlamağı planlaşdırır.

“Taliban” yüksək vəzifəli dövlət məmurlarına çoxsaylı hücumlar, koalisiya qüvvələrinə qarşı aksiyalar, eyni zamanda terrorçu-kamikadzelərin iştirakı ilə terror aktları həyata keçirməyi nəzərdə tutur. “Taliban”ın dərc olunan bəyanatında mülki şəxslərə insanlara çox olduğu yerlərdən və hərbi bazalardan uzaq gəzmək məsləhət görülür.

Kəşfiyyat xidmətləri “Taliban”ın yaz hücum kampaniyasının 1 həftə davam edəcəyini proqnozlaşdırırlar.