Tornado Amerikanı dağıtmaqda davam edir

ABŞ-da tornado qurbanlarının sayı 260 nəfəri keçib.

Lent.az-ın “Exo Moskvı” radiosuna istinadən verdiyi məlumata görə, bu gecə də davam edən təbii fəlakət Alabama, Missisipi, Missuri, Arkanzas və Oklahoma ştatlarında daha çox dağıntı və tələfata yol açıb.

ABŞ ərazisində ümumilikdə 150 dağıdıcı burulğan qeydə alınıb. Leysan yağış və güclü külək Alabama ştatında Atom Elektrik Stansiyasının enerji təchizatının dayanmasına yol açıb. Qəzalı vəziyyət dizel generatorlarının köməyi ilə aradan qaldırılıb.