Əhmədinejadı vəzifəsindən uzaqlaşdırırlar
28 aprel 2011 12:44 (UTC +04:00)

Əhmədinejadı vəzifəsindən uzaqlaşdırırlar

Lent.az-ın “The Guardian” qəzetinə istinadən verdiyi məlumata görə, deputatlar Mahmud Əhmədinejad və İranın ali dini lideri Əli Xamneyi arasında yaranan fikir ayrılığından istifadə edərək dövlət başçısını postundan uzaqlaşdırmaq niyyətindədirlər.

Mahmud Əhmədinejad kəşfiyyat naziri Heydər Moslehini istefaya göndərmək cəhdinin qarşısı Əli Xamneyi tərəfindən alındıqdan sonra onların münasibətləri korlanıb. Aprelin 17-də Heydər Moslehi Əhmədinejadın təkidi ilə istefa ərizəsi yazıb. Amma Əli Xamneyinin qərarı ilə nazir vəzifəsinə bərpa olunub.

Mahmud Əhmədinejad isə Əli Xamneyinin qərarından narazılığını açıq şəkildə bildirib. O, vəzifəsindən azad etdiyi Heydər Moslehinin yenidən nazir postuna qayıtmasını açıq şəkildə dəstəkləməkdən imtina edib. Ötən həftənin cümə günündən sonra isə Mahmud Əhmədinejad ictimaiyyət qarşısına çıxmır.
# 506

Oxşar yazılar