Şərqi Avropada AES həyəcanı

Bolqarıstanın “Kozloduy” Atom Elektrik Stansiyasının (AES) enerji bloklarının birində reaktorda radioaktiv qazların səviyyəsi artıb. Lent.az-ın “news.ru” saytına istinadən verdiyi məlumata görə, radiasiya səviyyəsi təhlükəli sayılmasa da, işçilər evakuasiya ediliblər.

Qeyd edək ki, olay aprelin 27-də birinci enerji blokunda təmir işləri aparılarkən baş verib. Enerji blokunda ksenon qazının səviyyəsi artıb. Bu qaz nüvə yanacağında bölünmə reaksiyaları gedərkən yaranır. Hazırda AES-də təmir işləri dayandırılıb. Radiasiya fonunun normallaşdırılması üçün tədbirlər görülür.