Gülün xilaskarları mükafatlandırıldı

Lent.az-ın “milliyet”ə istinadən verdiyi məlumata görə, Abdulla Gül sürücünün huşunu itirməsi nəticəsində avtomobildə çarəsiz vəziyyətdə qalmış xanımının xilaskarlarına onların maaşlarının 24 misli dəyərində mükafat ayırıb.

Qeyd edək ki, məlum hadisə martın 3-də baş verib. Ankaradan İstanbula getmək üçün Esenboğa hava limanına gələn H.Gülün avtomobilinin sürücüsü qəfil huşunu itirib. Bu zaman vəziyyətin nə yerdə olduğunu anlayan mühafizəçilərin iki avtomobili maşını əhatəyə alıb. Avtomobillərdən biri birinci xanımın olduğu maşının önünə keçib, digəri isə arxada dayanıb. Nəticədə nəzarətsiz qalmış maşın saxlanılıb və H.Gül xilas edilib.