Qəddafinin keçmiş naziri Maltaya qaçdı, dəhşətdən danışdı

Lent.az-ın “mignews.com” saytına istinadən verdiyi məlumata görə, 40 gün prezident Müəmmər Qəddafiyə sadiq qüvvələrin mühasirəyə aldığı Misrata şəhərində bunkerdə gizlənmiş Omar Fathi bin Şatvan deyib ki, Liviya liderinin yaxın ətrafındakı insanların əksəriyyəti qaçmağa hazırdır, lakin özlərinin və ailələrinin taleyindən qorxurlar.

Omar Fathi bin Şatvan bildirib ki, elitar təbəqənin ailələri faktiki Liviyanın hökumət məhəlləsində girov vəziyyətindədirlər. O, Misrata şəhərində minimum 1500 nəfərin öldürüldüyünü söyləyib: “Müəmmər Qəddafi ağlını itirib, tamamilə dəyişib. O, ayrı bir insan olub. Günahsız insanlar küçələrdəcə öldürülür. Hitler də belə etməyib”.