Liviya xarici işlər naziri Britaniyaya qaçıb
31 mart 2011 10:51 (UTC +04:00)

Liviya xarici işlər naziri Britaniyaya qaçıb

Lent.az-ın “İTAR-TASS” agentliyinə istinadən verdiyi məlumata görə, Musa Kusa Liviya hökuməti ilə əlaqələri kəsdiyini bəyan edib.

Məlumatı Britaniya Xarici İşlər Nazirliyinin rəsmi nümayəndəsi də təsdiq edib. O, Musa Kusanın Birləşmiş Krallığa Tunisdən gəldiyini və postunu tərk etdiyini bildirib: “O, artıq Liviyanın hakim rejimini təmsil etmək istəmir”.

Bəzi məlumatlara görə, keçmiş xarici işlər naziri rəsmi Londondan siyasi sığınacaq istəyib. Amma Britaniya XİN-in nümayəndəsi bu məlumatı şərh etməyib.

Qeyd edək ki, Musa Kusa 1994-2009-cu illərdə Liviya kəşfiyyatının rəhbəri olub. 2009-cu ildə isə xarici işlər naziri təyin edilib. O, Liviyanın Qərblə münasibətlərinin yaxşılaşmasının memarlarından biri sayılır.
# 491

Oxşar yazılar