Yəmən müxalifəti Prezident Sarayına yürüş edəcək

Lent.az-ın “Əl-Cəzirə” telekanalına istinadən verdiyi məlumata görə, prezident Əli Abdall Salehin əleyhdarları bəyan ediblər ki, Yəməndə gərginliyin artmasının və zorakılığın qarşısının alınması üçün prezident sifətini və ləyaqətini qoruyaraq təcili istefa verməlidir.

Qeyd edək ki, martın 22-də prezidentin rəsmi təmsilçisi Əhməd as-Sufi deyib ki, Əli Abdall Saleh öz postunu 2012-ci ilin yanvarında, parlament seçkilərindən sonra tərk edəcək. Onun sözlərinə görə, prezident bildirib ki, hakimiyyətə can atmır, ancaq öz varisinin kim olduğunu bilmədən postundan getməyəcək.