Ana 3 azyaşlı qızını fahişəliyə məcbur edib

Lent.az-ın haberturk.com saytına istinadən verdiyi məlumata görə, Fəxriyyə D. ərindən boşandıqdan və Halit D. ilə evləndikdən sonra azyaşlı qızları S.D, G.D və N.D-ni fahişəliklə məşğul olmağa məcbur edib. Qızların fahişəliyə məcbur edilməsində Kamal A. adlı şəxs də iştirak edib. İstintaq zamanı məlum olub ki, Fəxriyyə D. öz qızlarının çılpaq fotoşəkillərini çəkdirərək təhdid edib və onları fahişəliklə məşğul olmağa məcbur edib. Bədnam ananın 90 il, Kamal A.-nın 30 il müddətinə azadlıqdan məhrum edilməsi gözlənilir. Məhkəmə prosesi yaxın günlərdə başlayacaq.

Qeyd edək ki, keçən il dekabrın 20-də kiçik qızların Çukurova rayonunun Topalak məhəlləsində meşəlik ərazidə bir kağızın içərisinə bükülmüş, çılpaq halda çəkilmiş şəkilləri tapılıb və bu barədə polisə məlumat verilib. Bundan sonra polis əməliyyat keçirərək bədnam ananı və Kamal A.-nı saxlayıb.