Dünən ən gənc dövlətində axan qan dayanmır: 140 ölü

Lent.az-ın “Reuters” agentliyinə istinadən verdiyi məlumata görə, Cənubi Sudanda qiyamçılarla ordu arasında baş verən silahlı qarşıdurmada 140 nəfər həyatını itirib.

Qeyd edək ki, Cənubi Sudanda mərkəzi Sudan hakimiyyətinə qarşı aparılan savaşın əsas təşkilatçılarından biri olan general George Athor keçən il Cənubi Sudanda keçirilən yerli seçkilərin saxtalaşdırıldığını iddia edərək silahlı mücadiləyə başlayıb. Ancaq keçən ay Cənubi Sudanda müstəqilliklə bağlı referendumun keçirilməsi ilə əlaqədar tərəflər atəşkəs sazişi imzalayıblar.

Əhalinin 99 faizinin Cənubi Sudanın müstəqilliyinin lehinə səs verdiyi referendumdan sonra isə fevralın 10-dan general George Athorun rəhbərlik etdiyi qiyamçılarla ordu arasında yenidən döyüşlər başlayıb. Cənubi Sudanın Jonglei əyalətində iki hərbi maşın partladılıb. George Athor isə döyüşləri Cənubi Sudan ordusunun başlatdığını söyləyib: Əgər qarşı tərəf də istəyirsə, müzakirələri dava etdirə bilərik. Əks halda atəşkəs sazişi ləğv olacaq.

Qeyd edək ki, Cənubi Sudan iyulun 9-da müstəqilliyini elan edəcək.