Türk “baron” xəstəxanadan qaçıb
18 sentyabr 2009 11:45 (UTC +04:00)

Türk “baron” xəstəxanadan qaçıb

“İnterpol” xəttiylə axtarılır

Qızları və qadınları əxlaqsızlığa məcbur edən cinayətkar qruplaşmalardan birinin lideri, “baron” ləqəbli Saban Baran Hollandiyada bir xəstəxanadan qaçıb.
Lent.az-ın Türkiyənin NTV telekanalına istinadən verdiyi məlumata görə, Hollandiya polisi Şaban Baranın həyat yoldaşını və yeni dünyaya gələn körpəsini ziyarət etmək üçün bir həftə əvvəl məhkəmə qərarıyla xüsusi icazə ilə xəstəxanaya baş çəkmək üçün azadlığa buraxıldığını bildirib.
Həbsxanadan xəstəxanaya getmək üçün buraxılan Şaban Barana bu müddət ərzində hər gün yerini polisə bildirməsi şərt kimi məhkəmə qərarında vurğulanıb. Ancaq 1 həftədir ki, ondan bir xəbər yoxdur.
Həm Türkiyə, həm də Almaniya vətəndaşı olan Şaban Baranı tapmaq üçün hollandiyalı rəsmilər “İnterpol”a da məlumat veriblər.
Qeyd edək ki, 100-dən artıq qız və qadını işgəncəylə əxlaqsızlığa məcbur edən qruplaşmanın lideri olan Şaban Barana 7,5 il həbs cəzası verilmişdi.
# 780

Oxşar yazılar