Obama siqareti atıb

Lent.az-ın “France Presse” agentliyinə istinadən verdiyi məlumata görə, bunu ABŞ prezidentinin mətbuat katibi Robert Qibbs söyləyib.

Robert Qibbs keçirdiyi mətbuat konfransında bildirib ki, artıq 9 aydır ki, prezident siqaret çəkmir. Onun sözlərinə görə, Barak Obama hətta vergilərlə bağlı respublikaçılarla aparılan uzun-uzadı müzakirələr, eyni zamanda Rusiya ilə strateji hücum silahlarının ixtisarı ilə əlaqədar aparılan gərgin danışıqlar zamanı da siqaret çəkməyib.

Qeyd edək ki, bu ilin martında Robert Qibbs bildirib ki, həkimlər Barak Obamaya siqareti atmağı tövsiyə ediblər. Həkimlər deyiblər ki, prezidentin səhhəti əla vəziyyətdə olsa da, qanunda xolesterinin miqdarını azaltmaq üçün siqareti atması və pəhrizə əməl etməsi məsləhətdir.

2008-ci il prezident seçkiləri kampaniyasında hər gün 5-6 siqaret çəkən Barak Obama özü də seçkidən sonra siqareti buraxacağına söz verib. Keçən ilin iyulunda o, siqaret vərdişindən 95 faiz azad olduğunu, ancaq hərdən 1 siqaret çəkdiyini söyləmişdi...